TO A HEDGEHOG

-----------------------

Ach wee man ma spiky pal, what are you daein here,

you shouldnae be in ma garden, at the cauldest time o year.

You should be snuggled in yer nest and curled up in a baw,

no wanderin roond ma patio with a richt guid chance o snaw.

I see you lookin up aw sad, at the bird food above yer heed,

Is that whats brought ye oot? Dae Ye need a richt guid feed.

It makes me awfy sad tae see, the frost nippin yer wee feet,

I’ll hae a look on Google, tae find oot what ye like tae eat.

WORMS be goad!! and grubs,and other stuff I cannae dae,

The grunds too hard wi frost, and that willnae shift till May.

I’ll just go and hiv a look in ma fridge, and see what I can find,

Sausage and mash left frae ma tea! and some bits o bacon rind.

I ken ye can hear me comin, cause ye’ve curled up in a spiky baw,

Am just gonnae lay this plate doon, a mean ye nae herm at aw.

Am watchin frae the windae noo and he’s sniffin at the plate,

He’s got stuck in tae the sausage and am feelin michty great.

That’s him noo I think he’s done, and I guess he’s had his fill,

I hope he’s liked Jocks café , and leaves a tip beside the till.

Richt wee man, away hame noo and roll yersel up tight,

I’ll see ye later in the spring and we’ll enjoy some braw sunlight

JOCK

----------